Ek en hond Goliat was op 'puntdiens', Woensdag 14 deser, 17:30 - 19:15 by bogenoemde 'hotspot'. Ek beskou die volgende gebeure as van betekenis:
1. Ons was redelik versteek agter bome/struike maar soms sigbaar.
2. Sodra 'n taxi ons gewaar word daar herhaaldelik getoet. Dit gebeur nie andersins nie, so die getoet was nie noodwendig vir klante nie.
3. SMs wat verbyloop/net daar staan: Baie praat skielik per selfoon sodra hulle ons gewaar. Binne kort tyd verskyn 'n taxi, laai hulle op en ry weg; 2x teen 'n rooi lig.
4. Pt 3 was te presies vir toevalligheid. Daar het nie dikwels taxis verbygekom of iemand toevallig opgelaai nie (wel soms). Dit was opmerklik hoe kort opmekaar 'n seloproep opgevolg was deur 'n taxi-oplaai.

Dit wil voorkom of taxi's en 'toevallige' SMs op die toneel nie toevallig is nie - te dikwels vir toeval (ek is opgeleide SAP-taaklid ingestem op sulke dinge).

Hoewel daar tans 'n heining is, sal dit interessant wees om te sien hoe dikwels sulke handelings saamval met bv. 'n wagtende voertuig op N4? Hierdie sal 'n tydrowende oefening wees om op te volg. Voornemende boewe weet ook van die kameras - maar weet eweneens dat hulle goeie wegkomkans het voordat iemand opdaag ten spyte van kameras.

Aangeteken vir inligting/verdere oorweging van modus operandi.

Johan 4

Dankie vir die insette Johan. Ek sê nog steeds die groot waarde van buurtwagte/patrollie groepe is in die sigbaarheid van die groep geleë, en nie deur weg te kruip en probeer om oortreders te vang nie, alhoewel dit ook partykeer wel gedoen moet word. Sodra potensieële kwaaddoeners die lede sien, beweeg hulle uit die omgewing weg. Ongelukkig gaan die kwaaddoeners na ander plekke om daar hulle dade te doen. Die oplossing, ander instansies moet ook aanboord kom om daardie aspekte van misdadigers aan te spreek. Verbeter hulle lewensomstandighede en verwyder die oorskae van misdaad. Slegs dan sal ons misdaad in ons mooi land kan verminder en almal hier in veiligheid sal kan saamleef.

Hubert